Carissimi amici e lettori,
Il 16 dicembre comincia ogni anno la tradizionale novena che prepara la festa della Natività di Nostro Signore Gesù Cristo. Siamo felici di mettere a vostra disposizione un libretto con i testi e le melodie della novena, perfettamente adatto ai luoghi di messa dove viene celebrata la liturgia tridentina.(o in famiglia troverete anche in basso il testo scritto a voi una santa novena)
(NB: Occorre stamparlo come opuscolo).
℞. Regem venturum Dominum, venite adoremus.
℣. Jucundare, filia Sion, et exulta satis filia Jerusalem. Ecce Dominus veniet, et erit in die illa lux magna, et stillabunt montes dulcedinem, et colles fluent lac et mel; quia veniet Propheta magnus, et ipse renovabit Jerusalem.
℞. Regem venturum Dominum, venite adoremus.
℣. Ecce veniet Deus et Homo de domo David sedere in throno, et videbitis, et gaudebit cor vestrum.
℞. Regem venturum Dominum, venite adoremus.
℣. Ecce veniet Dominus, Protector noster, Sanctus Israél, coronam regni habens in capite suo: et dominabitur a mari usque ad mare, et a flumine usque ad terminos orbis terrarum.
℞. Regem venturum Dominum, venite adoremus.
℣. Ecce apparebit Dominus, et non mentietur: si moram fecerit, expecta eum, quia veniet et non tardabit.
℞. Regem venturum Dominum, venite adoremus.
℣. Descendet Dominus sicut pluvia in vellus, orietur in diebus ejus justitia et adundantia pacis, et adorabunt eum omnes reges terræ, omnes gentes servient ei.
℞. Regem venturum Dominum, venite adoremus.
℣. Nascetur nobis parvulus, et vocabitur Deus fortis: ipse sedebit super thronum David patris sui, et imperabit; cujus potestas super humerum ejus.
℞. Regem venturum Dominum, venite adoremus.
℣. Bethlehem, civitas Dei summi ex te exiet Dominator Israel; et egressus ejus sicut a principio dierum æternitatis, et magnificabitur in medio universæ terræ, et pax erit in terra nostra dum venerit.
℞. Regem venturum Dominum, venite adoremus.
Il 24 dicembre si aggiunge:
℣. Crastina die delebitur iniquitas terræ et regnabit super nos Salvator mundi.
℞. Regem venturum Dominum, venite adoremus.
℣. Prope est jam Dominus.
℞. Venite, adoremus.
℞. Venite, adoremus.
PSALMUS "Laetentur coeli"
Erumpant montes jucunditatem, * et colles justitiam.
Quia Dominus noster veniet, * et pauperum suorum mìserebitur.
Rorate, coeli, desuper: et nubes plant Justum, * aperiatur terra, et germinet Salvatorem.
Memento nostri, Domine, * et visita nos in salutari tuo.
Ostende nobis, Domine, misericordiam tuam, * et salutare tuum da nobis.
Emitte Agnum, Domine, diminatorem terræ, * de petra deserti ad montem filiae Sion.
Veni ad liberandum nos, Domine, Deus virtutum, * estende faciem tuam et salvi erimus.
Veni, Domine, visitare nos in pace, * ut laetemur coram te corde perfecto.
Ut cognoscamus, Domine, in terra viam tuam, * in omnibus gentibus salutare tuum.
Excita, Domine, potentiam tuam, et veni, * ut salvos facias nos.
Veni, Domine, et noli tardare, * relaxa facinora plebi tuae.
Veni, et estende nobis faciem tuam, Domine, * qui sedes super Cherubim.
Glória Patri, et Fílio, * et Spirítui Sancto. Sicut erat in princípio, et nunc, et semper, * et in sǽcula sæculórum. Amen.
℣.Praecursor pro nobis ingreditur Agnus sine macula secundum ordinem Melchisedech, Pontifex factus in æternum, et in sæculum sæculi Ipse est Rex justitiæ, cujus generatio non habet finem. ℞. Deo gratias.
HYMNUS
En Agnus ad nos mittitur Laxare gratis debitum; Omnes simul cum lacrymis Precemur indulgentiam
Beatus Auctor sæculi Servile corpus induit: Ut carne carnem liberans, Ne perderet quos condidit.
Castæ Parentis viscera Coelestis intrat gratia: Venter puellæ bajulat Secreta, quæ non noverat
Domus pudici pectoris Templum repente fit Dei: Intacta nesciens virum, Concepit alvo Filium.
Deo Patri sit gloria, Ejusque soli Filio, Cum Spiritu Paraclito In sæculorum sæcula. Amen.
℣. Rorate coeli desuper et nubes pluant Justum.
℞. Aperiatur terra et germinet Salvatorem.
ANTIPHONAE AD MAGNIFICAT
16 DICEMBRE
Ecce veniet Rex Dominus terræ et ipse auferet jugum captivitatis nostræ.
17 Dicembre
O Sapiéntia, quæ ex ore Altíssimi prodiísti, attíngens a fine usque ad finem, fórtiter suavitérque dispónens ómnia: veni ad docéndum nos viam prudéntiæ.18 Dicembre
O Adonái et Dux domus Israël, qui Móysi in igne flammæ rubi apparúisti, et ei in Sina legem dedísti: veni ad rediméndum nos in brácchio exténto.
19 Dicembre
O radix Jesse qui stas in signum populórum, super quem continébunt reges os suum, quem Gentes deprecabúntur: veni ad liberándum nos, jam noli tardáre.
20 Dicembre
O clavis David et sceptrum domus Israël; qui áperis, et nemo claudit; claudis, et nemo áperit: veni, et educ vinctum de domo cárceris, sedéntem in ténebris, et umbra mortis. 21 Dicembre
O Óriens splendor lucis ætérnæ, et sol justítiæ: veni, et illúmina sedéntes in ténebris, et umbra mortis.22 Dicembre
O Rex géntium, et desiderátus eárum, lapísque anguláris, qui facis útraque unum: veni, et salva hóminem, quem de limo formásti. 23 Dicembre
O Emmánuel, Rex et légifer noster, exspectátio Géntium, et Salvátor eárum: veni ad salvándum nos, Dómine, Deus noster. 24 Dicembre
Cum ortus fúerit * sol de cælo, videbitis Regem regum procedéntem a Patre, tamquam sponsum de thálamo suo. Quia respéxit humilitátem ancíllæ suæ: * ecce enim ex hoc beátam me dicent omnes generatiónes.
Quia fecit mihi magna, qui potens est: * et sanctum nomen ejus.
Et misericórdia ejus, a progénie in progénies: * timéntibus eum.
Fecit poténtiam in bráchio suo: * dispérsit supérbos mente cordis sui. Depósuit poténtes de sede: * et exaltávit húmiles.
Esuriéntes implévit bonis: * et dívites dimísit inánes.
Suscépit Israël púerum suum: * recordátus misericórdiæ suæ.
Sicut locútus est ad patres nostros: * Ábraham, et sémini ejus in sǽcula. Glória Patri, et Fílio, * et Spirítui Sancto.
Sicut erat in princípio, et nunc, et semper, * et in sǽcula sæculórum. Amen.
℣. Oremus
Festina, quæsumus, Domine, ne tardaveris, et auxilium nobis supernæ virtutis impende: ut adventus tui consolationibus subleventur, qui in tua pietate confidunt. Qui vivis et regnas cum Deo Patre in unitate Spiritus Sancti Deus, per omnia sæcula sæculorum. ℞. Amen.
Commenti
Posta un commento